24 ақпанда Көкшетау қаласында Бурабай ауданы мемлекеттік архивінің директоры Б. Е. Адамбаева Ақмола облысының цифрандыру және архивтер басқармасы ұйымдастырған "ведомствалық деңгейде құжаттардың сақталуын қамтамасыз ету" тақырыбындағы семинарға қатысты. Бұл семинар Қазақстан Республикасы Мәдениет және спорт министірлігінің архив істері комитеті мен құжаттама басқармасының (бұдан әрі — Комитет) бастамасымен өтті. Комитет төрағасының орынбасары Г. Қарсақбаева кіріспе сөз сөйледі.

Комитеттің мемлекеттік саясат және нормативтік-құқықтық реттеу басқармасының басшысы С. Тасжанова архив саласындағы нормативтік құқықтық актілер туралы баяндама жасады. Ол архив саласындағы ҚР заңнамалық актілеріне, атап айтқанда "Ұлттық архив қоры және архивтер туралы" ҚР Заңына енгізілетін өзгерістерді атап өтті. Мониторинг басқармасының басшысы И. Бабаев архив және электрондық құжат саласындағы заңнаманың сақталуына мемлекеттік бақылауды жүзеге асыру бойынша өзгерістер туралы айтты. Солтүстік Қазақстан, Қостанай, Қарағанды, Павлодар, Ұлытау облыстарының архив қызметтерінің өкілдері де баяндама жасады.

Кейінірек, бұта семинарының бағдарламасына сәйкес секциялар бойынша жұмыс жүргізілді.