Құжаттарды өңдеу және істер тізімдемесін жасау тәртібі жөнінде

Әдiстемелiк және практикалық көмек көрсету мақсатында мемлекеттiк архивтiң архившiлерi iс қағаздарымен айналысатын мамандар және ведомстволық архив меңгерушiлерi үшiн «Құжаттарды ғылыми-техникалық өңдеу» және «Құжаттардың iстер тiзiмдемесiн жасау тәртiбi» тақырыбында семинар — практикум өткiздi. Жиынға кестеге сай келесi 2019 жылы мемлекеттiк сақтауға құжаттарын тапсыратын мекеме өкiлдерi қатысты.

Семинар барысында құжаттарды өңдеу талаптарға сәйкес жасалу қажет екенi туралы айтылды. Iстер тiзiмдемесi ол — сақтау бiрлiгiнiң/есепке алу бiрлiгiнiң құрамы мен мазмұнын ашуға, қор iшiнде жүйелеудi және есепке алуды нығайтуға арналған архивтiк анықтама екендiгi аталып өттi. Әдiстемелiк тусiнiктеме берумен қатар, аталмыш тақырып бойынша тәжiрибелiк сабақ жүргiзiлдi.

  

Мақаланың шыққан күні: 12.12.2018

Қаралым саны: 2226