Мемлекеттiк архив Қарттар мен мүгедектедi қолдау айлығының бiрiншi күнi Қарттар күнiне орай ұйымдастырылған мерекелiк концерт және облыстық драма театрының қойылымына мекемеден зейнеткерлiк демалысқа кеткен еңбек ардагерлерiн шақырды. Зейнеткерлiкке шыққан еңбек ардагерлерiнiң арасында архивте көп жылдар бойы жұмыс iстеген азаматтар бар. Бондарь Тамара Александровна, Шакиев Мейрам Ашкенұлы сияқты бұрынғы мекеме басшылары, архившi Кудрявцева Евдокия Константиновна және басқалар — архив iсiнiң ғана емес, жалпы Бурабай ауданының дамуына үлес қосқан азаматтар. Сонымен қатар, ардагерлерге қажеттiлiгiне жұмсау үшiн ақшалай сыйлықтар табыс етiлдi.