Мемлекеттiк архив Бурабай ауданының статистика басқармасы қызметкерлерiмен семинар өткiздi. Ведомстволық сақтау мерзiмi аяқталған құжаттардың жою актiлерi және архивтер мен құжаттамалар басқармасының СТӘК ескертулерiн жою бойынша қолданылатын iс шаралар туралы ұйымдастырушылық мәселелер қарастырылды.

«Бурабай ауданының мемлекеттiк архивi» КММ жоғары санаттағы архившiсi Адамбаева Б.Е. Бурабай ауданының статистика басқармасының ведомстволық сақтау мерзiмi аяқталған құжаттарды жою актiсiнiң ретi бойынша: ведомстволық сақтау мерзiмi аяқталған құжаттар актiсiн дұрыс толтыру («қолы» деректемесiн, СК ұйымдарының келiсiлген белгiсiн ресiмдеу, СК жою актiсiмен келiсу туралы хаттамасының нөмiрi мен күнiн қою, датаны ауызша-сандық жолмен жазуды қолдану) жөнiнде түсiнiктеме бердi. Ведомстволық сақтау мерзiмi аяқталған құжаттардың жою актiлерiн жасаған кезде Типтiк ережелердi басшылыққа алу керектiгiне баса назар аударылды. Ортаға салған мәселе бойынша қызықтыратын сұрақтарға жауап берiлдi.