Мемлекеттiк архивте азамматтардың сұрауы бойынша «Архивтiк анықтамаларды беру» мемлекеттiк қызметiнiң мәселелерi жөнiнде кеңестер берiлдi. Бұл жерде «Архивтiк анықтамаларды беру» мемлекеттiк қызметi бойынша қызмет көрсету тәртiбiмен қатар, бекiтiлген Стандартқа сәйкес мемлекеттiк қызмет көрсетуге қажеттi құжаттар тiзбесi жайлы да мәселелер қарастырылды. Акцияға қатысушыларға мемлекеттiк және орыс тiлдерiнде «Электрондық үкiмет порталы Сiздiң уақытыңызды үнемдейдi» және «Архивтiк анықтаманы қалай алуға болады» атты жадынамалар таратылды. Кеңес беру жұмыстарын жоғарғы санаттағы архившi Бибiгүл Адамбаева жүргiздi.